Fir eng éischte Kéier gëtt hei am Land e Concours lancéiert, dee sech un déi méi jonk Generatioune riicht.
Gesicht ginn nämlech Gesangstalenter am Alter vun 8 bis 14 Joer am Kader vun engem gemeinsame Projet tëscht RTL, Rockhal an der Rocklab. De Projet "You Can Sing" gëtt den zukünftege Stars vu muer d'perfekte Geleeënheet, ze gesinn, ob si fir d'Bün gemaach sinn.
Eleng maache si dat awer net! E Coach gouf dofir engagéiert, awer net iergendee Coach... D'Tali héchstperséinlech steet de jonken Talenter mat Rot an Dot zur Säit. A fir de professionelle Kader perfekt ze maachen, gëtt et och "You Can Sing"-Bün.
Den 18. Januar, also nach virum Luxembourg Song Contest, dierfen déi jonk Gesangstalenter da virun hirer Famill a Frënn fir en onvergiessleche Mini-Concert optrieden.
Du hues Talent a wëlls dobäi sinn?
Du wolls schonn ëmmer op enger Bün stoen, weise wat s du kanns a bass och net ze schei. Da mell dech u bis den 31. Dezember.
Alles, wat s du dofir maache muss, ass ee klenge Video ophuele mat engem Lidd, dat dir am beschte gefält an dat s du wëlls sangen. Et kann och mam Telefon opgeholl gi sinn 😉
Ganz wichteg: All Kand brauch eng Autorisation parentale.
Vun all den Aschreiwunge ginn, wéi bei all Concours, déi bescht erausgepléckt. D'Finaliste vum "You Can Sing"-Contest dierfen no engem personaliséierte Coaching op der Bün vum Rocklab optrieden a weisen, wat si geléiert hunn.