© Eurovision Song Contest
Et ass déi gréisste Museksshow an Europa, dëst Joer ënner dem Motto "United By Music", organiséiert an England.
"Stefania" heescht den Titel, mat deem d'lescht Joer déi ukrainesch Band Kalush Orchestra de 66. Eurovision Song Contest gewonnen hat. Well an der Ukrain nach ëmmer Krich ass, gëtt d'Editioun dëst Joer an England organiséiert.
31 Länner maache beim europäesche Concours mat.
Exklusiv Video-Interviewen: Léiert all d'Kandidate vum Eurovision Song Contest kennen!
De Concours huet den 9. Mee mat der éischter Halleffinall ugefaangen, den 11. Mee war déi zweet. Den 13. Mee ass déi grouss Finall zu Liverpool. Däitschland, Italien, Frankräich, Groussbritannien a Spuenien - déi sougenannte "Big Five" - hate sech virop scho fir d'Finall qualifizéiert, zousätzlech zum leschten ESC-Gewënner Ukrain. Am Ganze 26 Interprete trieden um Enn géinteneen un.
ESC-Halleffinall: Favoritte Schweden a Finnland hu sech fir d'Finall qualifizéiert
ESC-Halleffinall: Ënner anerem d'Belsch an Éisträich sinn an der Finall
2024 ass dann och de Grand-Duché nees mat dobäi
Zanter 30 Jore war Lëtzebuerg lo net méi dobäi, gréisstendeels aus Käschtegrënn. Am Ganze 37 Mol huet eist Land scho matgemaach a 5 Mol gewonnen. Eng éischte Kéier war dat 1961 mam Jean-Claude Pascal. Fir d'lescht war de Grand-Duché duerch de Museker-Duo Modern Times am Joer 1993 vertrueden, koumen awer just op déi 20. Plaz vu 25.
De Medieminister Xavier Bettel hat eng Lëtzebuerger Participatioun nees an d'Gespréich bruecht an d'entspriechend Diskussioune goufen am Regierungsrot gefouert. Den 12. Mee dunn, huet d'Regierung matgedeelt, dass Lëtzebuerg 2024 nees dobäi ass.
Lëtzebuerg beim ESC: Infoen, Fakten a Resultater op ee Bléck
Lëtzebuerg beim ESC - Réckbléck
| Joer | Lidd | Plaz | Punkten | |
| 1956 | Les Amants De Minuit vun Michèle Arnaud | 2 | - | |
| 1956 | Ne Crois Pas Michèle Arnaud | 2 | - | |
| 1957 | Amours Mortes (Tant De Peine) Danièle Dupré | 4 | 8 | |
| 1958 | Un Grand Amour Solange Berry | 9 | 1 | |
| 1960 | So Laang We's Du Do Bast Camillo Felgen | 13 | 1 | |
| 1961 | Nous Les Amoureux Jean-Claude Pascal | 1 | 31 | |
| 1962 | Petit Bonhomme Camillo Felgen | 3 | 11 | |
| 1963 | A Force De Prier Nana Mouskouri | 8 | 13 | |
| 1964 | Dès Que Le Printemps Revient Hugues Aufray | 4 | 14 | |
| 1965 | Poupée De Cire, Poupée De Son France Gall | 1 | 32 | |
| 1966 | Ce Soir Je T'attendais Michèle Torr | 10 | 7 | |
| 1967 | L'amour Est Bleu Vicky | 4 | 17 | |
| 1968 | Nous Vivrons D'amour Chris Baldo & Sophie Garel | 11 | 5 | |
| 1969 | Cathérine Romuald | 11 | 7 | |
| 1970 | Je Suis Tombé Du Ciel David-Alexandre Winter | 12 | 0 | |
| 1971 | Pomme, Pomme, Pomme Monique Melsen | 13 | 70 | |
| 1972 | Après Toi Vicky Leandros | 1 | 128 | |
| 1973 | Tu Te Reconnaîtras Anne-Marie David | 1 | 129 | |
| 1974 | Bye, Bye, I Love You Ireen Sheer | 4 | 14 | |
| 1975 | Toi Géraldine | 5 | 84 | |
| 1976 | Chansons Pour Ceux Qui S'aiment Jürgen Marcus | 14 | 17 | |
| 1977 | Frère Jacques Anne Marie B. | 16 | 17 | |
| 1978 | Parlez-vous Français? Baccara | 7 | 73 | |
| 1979 | J'ai Déjà Vu ça Dans Tes Yeux Jeane Manson | 13 | 44 | |
| 1980 | Papa Pingouin Sophie and Magaly | 9 | 56 | |
| 1981 | C'est Peut-être Pas L'Amérique Jean-Claude Pascal | 11 | 41 | |
| 1982 | Cour Apres Le Temps Svetlana | 6 | 78 | |
| 1983 | Si La Vie Est Cadeau Corinne Hermès | 1 | 142 | |
| 1984 | 100% D'amour Sophie Carle | 10 | 39 | |
| 1985 | Children, Kinder, Enfants Margo, Franck, Diane, Ireen, Malcolm & Chris | 13 | 37 | |
| 1986 | L'amour De Ma Vie Sherisse Laurence | 3 | 117 | |
| 1987 | Amour Amour Plastic Bertrand | 21 | 4 | |
| 1988 | Croire Lara Fabian | 4 | 90 | |
| 1989 | Monsieur Park Café | 20 | 8 | |
| 1990 | Quand Je Te Rêve Céline Carzo | 13 | 38 | |
| 1991 | Un Baiser Volé Sarah Bray | 14 | 29 | |
| 1992 | Sou Fräi Marion Welter and Kontinent | 21 | 10 | |
| 1993 | Donne-moi Une Chance Modern Times | 20 | 11 |